機場巴士被偷背包　怨警察濶佬懶理移英港人嬲爆

英國經濟低迷，治安愈來愈差，街上有好多小偷，入屋爆竊案件都唔少。近日就有移英港人大吐苦水話七月尾在英國機場巴士上被偷去背包，已經報警及補領證件，但今日收英國警察email話已經查看閉路電視片段，話沒有人偷走背包喎。

帖文一出，不少網民留言揶揄：「英國警方沒有檢控已經好彩啦!還不感恩？」、「支持手joke去裝修警局」、「問佢拎委任證先，再起佢底」、「接受人地民主國家的辦事方式」、「咁自由嘅國度，千祈唔好返香港啊」

該名移英網民日前在fb「英國香港人生活交流區」群組發文話「求救！我哋七月尾係英國機場巴士被偷去背包（冇咗錢 passport 相機等）已經報警及補領證件，但今日收到芙(英)國警察email話已經查看閉路電視片段，沒有人偷走背包，我老公自己孭住個背囊還推咗其他喼一同下車，仲話要 close file，好離譜呀，我哋應該點樣做。」

事實上，不少移英港人到埗後才赫然發現，英國治安比香港差很多。相信這些個案只是冰山一角，各位移英人士怕且要自求多福喇！