港姐2023|劉穎鏇性感搶鏡 邵初褲子爆呔頗狼狽
![](https://dw-media.dotdotnews.com/dams/product/image/202308/27/64eb68e8e4b072ff81e50c77.png)
【點新聞報道】2003香港小姐競選決賽今晚(27日)在將軍澳電視城決賽。賽前的紅地氈,不少前港姐盛裝出席,她們均以性感打扮爭妍鬥麗,其中邵初一身銀色打扮非常高貴,但其褲子突然爆呔,即到後台整理,頗為狼狽。
馮盈盈與劉穎鏇(Tiffany)一齊行紅地氈,盈盈以婚紗般的白色紗裙示人,更露出長腿;而Tiffany低胸晚裝輕輕露出事業線,更為吸睛。Tiffany表示知道今年有位佳麗只得18歲的6號胡睿涵,讚她相當有勇氣。她說:「我當年參選只得19歲,當時覺得自己好細個,乜都唔識,但今年就有位18歲嘅參選,覺得佢好有膽色。」Tiffany又謂正放假中,拍劇安排留待公司通知。盈盈之前已澄清在網上開投資班一事,她說:「我係被冒認嘅,畀人冒認賬號,但絕無此事,已交由公司處理,(報警嗎?)都係畀公司處理,自己有小投資,但冇資格開班教人囉。」
![](https://dw-media.dotdotnews.com/dams/product/image/202308/27/64eb68e8e4b072ff81e50c79.png)
而黃嘉雯的吊帶紫色晚裝,輕拋事業線。至於黃嘉雯被踢爆秘撻富二代Jordon,對方更在社交網「洩密」,她默認兩人的關係,問到是否與Jordon拍拖?她說:「我哋係朋友,了解當中嘅朋友,(約會緊?)總之大家互相了解緊,(對方有咩吸引你?)好尷尬喎呢個問題,佢係好男仔好細心,(了解成點?)唔錯囉。」有指兩人曾秘遊泰國及韓國,她說:「我係同朋友去,對方冇去,平時都係大班人一齊。」兩人可有單獨約會?她直認說:「有單獨約會過,先可以了解。」她又讚對方孝順,更口快快洩密說:「佢對家人好好,(見埋家長?)畀啲空間我哋。」如果真的拍拖,她可會公布?她說:「工作為先,其實想感情事底調啲。」
(點新聞特約記者陳惠芳報道)
相關報道: