林海峰突現身姜濤亞博騷 搞笑復刻海報look
【點新聞報道】8月2日至5日期間，人氣組合Mirror成員——姜濤於亞洲國際博覽館舉行首個大型個人演唱會《姜濤Keung To "Waves" In My Sight》。演唱會首場今晚（2日）開鑼，除了有肥仔客串嘉賓，更有神秘人士驚喜現身。
早年姜濤及組合MIRROR在叱咤頒獎禮上大放異彩，姜濤21歲成「我最喜愛男歌手」更成網民熱話。故演唱會中途，除了播出姜濤模仿姜糖在銅鑼灣舉牌溫馨片段，還播出頒獎禮片段回顧當時情景。播畢林海峰突然現身，他說：「3年前疫情大家唔喺現場係咪好遺憾？今日再頒過好冇？」他又說：「我唔係想頒俾你㗎，係頒俾台下面一班姜糖，佢哋先係用作品說話，點解？你問吓佢哋買咗幾多枝牙膏、食咗幾多炸雞、買咗幾多份保險？」他更用「一條龍」來形容姜糖每日生活，指姜糖們先至係用作品說話。
林海峰又搞笑宣布率先推出全球首個個人演唱會，揭曉海報時全場大笑，原來是用姜濤今次演唱會海報P圖改版，海報上林海峰被水浸眼眉，十分搞笑。他又鼓勵姜濤要繼續努力，做真正的「我最喜愛的男歌手」。之後林海峰又說自己明早要返工，轉身離開，讓姜濤哭笑不得。
（點新聞記者程鹽、九皋報道）
更多閱讀：
