（有片）個唱前夕推主題曲《濤》 姜濤戴腳箍串跳不同舞種
【點新聞報道】姜濤《Keung To 「Waves」 In My Sight 個人演唱會》將於明晚（8月2日）展開。姜濤為了這次演唱會，特別製作了演唱會主題曲《濤》，並於開Show前夕推出。
《濤》用上姜濤的名字，除了源於填詞人小克過去在《鏡中鏡》的一句歌詞「我是濤」外，其實亦因為今次演唱會的主題是「Waves（浪濤）」，但過去的作品卻未能帶出主題，姜濤說：「以往自己嘅作品都有好強烈嘅主題喺入面，所以一直都搵唔到好合適嘅歌去演繹演唱會主題，這首純粹關於水嘅歌，咁啱自己個名又有一個『濤』字，所以就用《濤》作為歌名。」
「濤」是水的其中一種形態，姜濤說：「水好多樣化，當中仲包含好多哲學喺入面；，今次《濤》呢首歌，係想話俾大家聽，我會用一種好自己嘅方式，去帶動『水』，即係我自己去流動。」 姜濤形容，《濤》是很炸場的一首歌，會聽到猶如瀑布、浪濤一樣的氣勢，他說：「呢首歌就好似要話俾大家聽，我要嚟喇！」
為了配合演唱會主題，姜濤會嘗試不同的舞種，他說：「正如水一樣喺唔同形態有唔同嘅形狀、方式，包羅萬有，今次喺演唱會入面都會用唔同曲風、舞種串連成個演唱會，所有舞種甚至溝埋一齊，唔需要特別區分。」那腳傷可會影響排舞？姜濤大派定心丸說：「Keep住有做物理治療，帶住腳箍跳舞都OK，唔使擔心！」被問到姜糖要如何準備迎接演唱會的來臨，姜濤只簡單道：「準備一個好嘅身體嚟睇表演就可以，唔要求大家做咁多嘢，好好地睇就得了。」
（點新聞特約記者陳惠芳報道）
