李玟離世丨李思林否認曾說Bruce爭產 參加《中年》是為鼓勵CoCo
【點新聞報道】歌手李玟（CoCo）喪禮今日（31日）將在香港殯儀館舉行設靈，CoCo姐姐李思林昨日（30日）現身屯門，與其他《中年好聲音》歌手錄影無綫節目《大笪地唱不停》。去年參加《中年好聲音》的她，稱此舉是為了鼓勵CoCo正向思緒，可惜徒勞無功。
李思林接受《東張西望》訪問全程語帶哽咽說：「我報名參加《中年好聲音》時，細妹李玟的情緒已經好低落，報名是為鼓勵妹妹我為咗正面影響佢，自己努力，我都要佢努力。因為我都唔係一個唱歌嘅人，咁老先去參加比賽，先去努力，我希望可以刺激到佢唔好向負面諗，佢當時都好努力，個個星期都有睇，所以我想繼續努力。」
可是CoCo最終走上不歸路，李思林覺得所有事都徒勞無功：「初頭我諗住以後唔唱歌，所有音樂嘅嘢都唔做，因為我覺得我咁辛苦呈現畀佢睇我嘅努力，但好似冇用。依家我諗諗下，嗰段時間有參加（《中年好聲音》），佢個個星期都加油打氣，陪我睇、聽我唱，令佢可能再行遠咗幾個月。佢嗰時都好正面去睇，個個星期都準時收睇，好開心，呢樣嘢令佢同家人嘅時間多咗。」
李玟喪禮今日舉行，李思林曾想過昨日缺席節目錄影，怕會情緒失控，不過得到媽咪及家姐李秋林的鼓勵：「我聽到要唱歌，係有嬲咗，『都係唔唱喇，幫唔到人嘅』，家姐同媽咪一聽到就話『梗係唔係咁啦，你阿妹實會想你唱，唔好放棄』。媽咪話每一次唱歌啲人都會諗起阿妹，其實都係提醒每一個人，繼續傳遞妹妹嘅正能量同笑容。」
此外，關於CoCo的遺產分配，曾有傳聞指CoCo的外籍丈夫Bruce會爭奪她遺產，就此Bruce已發聲明否認。但有傳早前CoCo家人到Bruce住所幫CoCo整理遺物及欲取回她最愛的歌服時受到阻撓，需要報警處理。她接受訪問時表示因為知道CoCo喜歡什麼衣服，所以就到Bruce住所取回：「咁佢走之前已經分居咗啦嘛，啲衫擺低之前住嗰間屋，所以大部分衫都冇攞。」她又解釋當時並不是Bruce不讓她們進去拿，而是進去找了一番之後才發現很多CoCo的衣服都不見了。她無奈說：「都係物件啫，冇咗咪買返套新嘅畀佢着囉。」對於曾傳過Bruce爭奪CoCo遺產一事，她說：「都唔係我嘅口中講，既然我都冇講過，都唔知點解會咁講。」
（點新聞特約記者陳惠芳報道）
相關報道：
李玟離世｜李思林宣布油管直播告別式 同全球歌迷陪妹妹走最後一路
