毋忘初心　COLLAR新歌意旨「I don't care」

【點新聞報道】女團COLLAR昨日（21日）推出年度第二首團歌《idc》，今次歌曲對COLLAR別具意義，除了首次出埠赴日本拍攝MV外，更專誠請來韓國當紅排舞導師RENAN負責排舞。

今次歌曲《idc》意旨「I don't care」，代表着COLLAR出道以來，無論面對各種聲音，她們都勿忘初心，繼續唱好歌、跳好舞，不要介懷別人目光。 COLLAR首次出埠拍MV，7位成員同聲大表難忘。她們早晚共處一室，令成員間感情更堅固、更團結，Ivy指：「7個女仔一齊住一間好細嘅屋，好早起身，化少少妝就出發排舞，感覺好似練習生，增進感情，好似一齊生活、一齊努力、一齊去經歷，幾日後一齊拍MV，成件事好有趣。」

今次MV以街景為主，當中在天台停機坪取景的一幕，佻望整個東京巿，景觀震撼，Sumling透露：「拍攝當日好大風，大家喺企唔穩嘅狀態下跳舞，真係好犀利；大家由夜晚拍到朝早，第一次一齊睇日出，雖然好攰，但真係好開心。」

此外，MV特意邀請了韓國當紅排舞導師RENAN負責排舞，令COLLAR大叫驚喜，大讚對方有耐性，指導她們每個細微動作一絲不苟。問到COLLAR今年還會推出幾多首團歌？Candy透露稍後會推出3首歌，曲風上還未落實。

（點新聞特約記者陳惠芳報道）