捱過三年獨立生活　祖兒自認裙腳女愛回家

【點新聞報道】容祖兒《ANOTHER SIDE…JOEY·MY SECRET·LIVE》演唱會昨（16日）晚來到第三晚，亦是第一日開放予公眾售票的頭場，祖兒唱愈唱愈勇，現場充講笑聲，掌聲，歡呼聲，還有求婚聲，又坦言這幾日已被歌迷炸爆社交媒體的INBOX，不停要點歌，非常瘋狂。

前晚（15日）祖兒講到求愛男的小故事後，現場就開始充滿求婚聲，「嫁比我！」「我娶你！」「 I MISS YOU BABY」，非常歡樂熱烈，來到點歌時間，祖兒對觀眾說，「今日見到大家好開心，我覺得今晚每次唱完歌的掌聲，係最多最豐富……我完全感受到大家每首歌都聽到入左心……比到我好多力量，唔單止掌聲，仲有瘋癲呼叫聲，仲有瘋狂求婚……哈哈哈……」

祖兒談及過去四年的日子令她成長不少，「四年後再可以在香港開演唱會，過去三年我相信每個人都經歷左好多，係全世界全宇宙最難捱時間，我呢個典形裙腳女，冇得返屋企真係好難捱，平時我係出面點辛苦點難，點多挑戰，我返到屋企就可以充電，但係前幾年要一個人係出面獨立生活，工作家務都要一個人處理，唔洗衫冇衫著，洗完唔摺張椅就冇位坐，唔吸塵腳就會黑晒……我為左有家嘅感覺，連屋企用開隻洗液都買一樣，等我洗完衫覺得似係屋企，朋友問我，你唔睇電視你電開住個電視做咩？你傻架一早起身吸塵，然後我先知，係喎，我唔睇電視但係我媽睇，係香港我每朝被阿媽吸塵機聲叫醒，係我鬧鐘……冇得返屋企嘅我，就係靠呢啲味道聲音支撐住。今日終於可以重新見到大家，做自己最鐘意嘅事，真係好開心，當日我一個人聽住以下呢首歌跑步，自己歌都打動到自己，落左兩滴眼淚，以往一直未有時間同大家分享過呢首歌的感受，今日終於都可以，所以請容許我今日唱唯一一首唔係side track 嘅冠軍歌: 《東京人壽》。人生路上，堅持下去，咬實牙關，所有事都會過，多謝大家咁鐘意呢首歌，冇上電台冇宣傳，舊年一派出來就冠軍歌。」

此外，祖兒重提無忘恩師羅文，重新編排的《Just for you》是給老師的禮物，她說，「音樂對我來說非常重要，陪伴我渡過好多脆弱時間，細細個好鐘意王菲、leon 大家都知，好多流行歌曲俾左我養份，多謝係我人生中出現過的音樂上好伙伴，希望日後我可以繼續為大家提供好多好多好歌，陪伴你地所有最好時光。 」

（點新聞特約記者陳惠芳報道）