見加國放寬門檻搶人　欲移英港人即轉跑道

加拿大近日宣布放寬港人的移民政策，只需在加工作一年便可申請居留權，取消學歷限制，意味藍領階層即使學歷較低，仍可透過在加拿大找基層工作，申請移民當地，門檻相當低。以往有意移民的港人揀英國都係貪門檻低，有網民近日在網上發文話：「終於唔使『被逼揀英國』太好了！」

有網民在fb「回流英國後的花生爆谷」群組發文，指加拿大放寬「Stream B」限制，要「移民門檻比較低」嘅朋友們，終於唔使「被逼揀英國」太好了！仲話喺英國嘅老移民都感受到欣慰㖭。有欲移民的網民即時轉跑道，留言指「英國咁癈，加拿大好丫」、「我都想去加拿大呀」、「機會難逢」。

加拿大今次修訂港人的「B類工作移民計劃」，只需在加拿大工作滿一年便可申請居留權，取消學歷限制，即不需「5年內在認可課程的專上院校畢業」。講到尾都係利益掛帥，利用港人移民海外帶動本地經濟及補充低端勞工市場，大家唔好以為自己咁搶手。