港姐2023｜AI考口才問題刁鑽 22佳麗摟作一團爆喊
【點新聞報道】特備節目《2023香港小姐競選 終極面試》，明晚（9日）播映最後一集。22位晉級準佳麗將繼續接受總經理曾志偉率領的評審團嚴格考核，今集將有4名參賽者會被淘汰，成功晉級的準佳麗將會出發越南拍攝外景。
曾志偉：好犀利
今集22位準佳麗率先接受口才挑戰，由於今屆加入AI元素，考驗準佳麗的問題全來自ChatGPT。問題包括「如果你有一百個檸檬，你會點做？」、「如果外星人嚟到地球，你會點樣同佢解釋地球人嘅自拍文化？」、「如果當選港姐冠軍可以成為超級英雄，超能力係可以長時間張開對眼，你會點運用呢種能力拯救地球？」、「如何向外國人推介絲襪奶茶？」等，有準佳麗急智十足答得有紋有路，但亦有人被指答非所問，志偉笑言：「好犀利，佢可以完全答咗另外一樣嘢！」
佳麗練口才爆喊
除口才挑戰，他們還接受了口才、化妝及Catwalk訓練。口才訓練由師姐馮盈盈及林盛斌（Bob）擔任導師，當阿Bob邀請黃泳嘉做示範時，她竟突然緊張淚崩，令其他準佳麗亦被感染喊埋一份，更摟作一團互相安慰。化妝訓練則由有雷淑賢擔任導師，大哥賢一出場霸氣十足，下令準佳麗拆掉假眼睫毛，她說：「好似『葵花寶典』咁，搶曬你個樣，唔係長同密就係靚！」
嚴格訓練Catwalk
Catwalk訓練則由名模陳嘉容擔任導師，嘉容對着一班準佳麗極為嚴格，其中鄧凱文表現不合格行到「操兵咁款」，遭嘉容下令行到合格為止，嘉容更爆出一句：「記唔記腳踭落地先呀，我最後一次講架喇，落選唔關我事！」訓練期間發生小插曲，郭珮文因遲到激嬲嘉容，嘉容不客氣謂：「你又遲到喎，點解唔早啲出門口呀？」
完成以上三個訓練後，22位準佳麗將接受終極考驗決定邊個有得留低。
（點新聞特約記者陳惠芳報道）
相關報道：
