靈戲逼人｜各自學識彈琴和做手 振朗嘉欣無師自通
【點新聞報道】劇集《靈戲逼人》昨晚（3日）開播便進入戲肉，龔嘉欣與張振朗大爆喜劇感，其中嘉欣演繹的疑惑呆萌樣亦相當可愛。
嘉欣飾演的女鬼還相當貼地，除了擅於打理家頭細務，更能隨意變裝。今晚（4日）一集，貪靚的她會先後換上多套青春感爆燈的casual wear，為了突顯喜感，嘉欣更會先後以短髮及爆炸頭Look上陣，角色「又古又今」。談到劇中大戲做手，嘉欣透露主要靠睇片自學：「好彩現場有老師指導，所以拍攝方面都應該係夠用嘅。當然要做到真係上台（表演粵曲），相信就需要好多好多年時間先可以做得專業。」
在劇中飾演音樂人的振朗，則要應付不少彈琴場口，有些手部close up亦是振朗親身上陣，對此振朗笑言很開心終有機會接觸鋼琴：「我本身係完全唔識嘅，今次主要係透過網上學啲最簡單嘅技巧，我就揀咗一首自己最鍾意嘅歌去學。」談到不少場口要與「空氣做戲」，振朗笑言最大難度是忍笑：「同平時好唔同，得自己一個演時會有啲kick kick地；有一次roll緊機嘉欣冇啦啦掂到我，我即刻話你唔可以掂我，否則我哋會瘋狂爆笑。」
（點新聞特約記者陳惠芳報道）
相關報道：
