移英港人睇閱兵被拒入場　當場聲大夾惡鬧保安

正所謂「江山易改，本性難移」，有啲港人以為自己大晒，移民到英國繼續做刁民，破壞當地秩序，真係去到邊都神憎鬼厭。有移英港女日前在網上發文話，見盡一些港人喺英國嘅離譜行為，指早前參加閱兵儀式時，有一對港人夫婦未有依Dress code(穿着要求)被拒入場，就聲大夾惡鬧番保安轉頭，令人嘆為觀止。

該名移英港女在fb專頁投稿話，早前同男朋買到門票去睇Trooping the Colour(閱兵儀式)，門票已經寫到明有Dress code，不遵守規定將被拒絕入場。然而，當日樓主入場排隊等做保安檢查嘅時候，突然間聽到有廣東話，從對內容就知道一定係香港人。轉個頭一睇，就見到呢兩公婆一身驚人衣着，包括行山鞋、風褸、運動褲、背囊，仲每人心口掛住一支Hand sanitiser（消毒搓手液）㖭。

樓主直指，保安當然唔畀該對夫婦入場，但佢哋就用半鹹半淡英文同人哋嘈，樓主形容對方的口音，就像平時典型香港人鬧屋企工人姐姐嗰啲水平嘅英文。至於之後的事態發展，樓主因為夠鐘要入場，所以都唔係好清楚。