陳凱琳撐環保唔儲環保袋　梁芷珮期待遊北極

【點新聞報道】陳凱琳、梁芷珮出席「藍·惜地球」活動，二人孖住做model穿環保設計服裝，盼勾起大眾環保意識。

陳凱琳說：「我自己夠環保，想延續到小朋友都有美好生活。我屋企都係得兩、三個環保袋，因為儲環保袋已經好唔環保！每一個人都做多步、唔用膠袋，我都會帶定跟身。」

日前陳凱琳生日，與丈夫鄭嘉穎到餐廳慶祝：「我地去咗間好浪漫嘅餐廳，因為有live band可以隨時點歌，老公都點首歌比我聽。我都有叫佢唱比我聽㗎，但係佢話屋企都成日聽佢唱㗎啦！」

而梁芷珮亦稱自己是環保達人，即使夏日炎炎都盡量不開冷氣：「因為循環影響生態，再唔環保連冰川都會冇，所以一環接一接，嚟緊想去北極，如果見到動物我會即時開live比小朋友睇，希望教到佢地啲課外知識。」

（點新聞特約記者陳惠芳報道）