連登仔驚嘆深圳物價　「計起上嚟平到笑」

不少港人都喜歡到內地來個快閃周末遊，有連登仔近日發文表示，發現深圳超市物價，比香港平超過一半，直言「我以後唔會幫襯香港超市交智商稅」。有網民亦贊同「事實係抵，放假基本上都過去睇、食飯」。

有「連登仔」喺連登討論區發文表示，「我簡幾樣大路嘢，等大家知道深圳超市物價大約乜嘢水平」，貼上多款產品於深圳超市的售價，包括調味料、薯片、罐頭、米及油等等，話香港買熱浪「超L貴」，內地變咗四洲熱浪，不過無關係，其實係同一間公司的產品。

而港人熟識的「珠江橋牌豆豉鯪魚」內地只售10元人民幣，香港超市就賣緊20元。至於米同油更平宜，不論是來自泰國重10公斤的米，還是共5公升的花生油，內地都分別只售49.5和99.9人民幣，不過，樓主就提醒要留意內地米是10KG裝，不是香港的8KG裝，直言「計起上嚟平到笑」。