黃媒「Channel C」賣慘告急　網民負評「做得差先冇人課金」

黃媒「Channel C」近日宣布「告急」，皆因平台的「神秘金主」閂水喉，唔再提供財政上支援，Channel C須要在一個月內自負盈虧，否則將會在下月12日「滿兩周年就會執笠」。有網民就唔多受氹，直指「垃Ｘ先要告急，做唔掂就執X咗佢呀」、「營運資金唔夠，就係因為你做得差先冇人課金」。睇嚟任職該平台多媒體製作主任的陳朗昇，又要準備搵工喇。

Channel C日前發告急帖文話，「我們的營運只餘下一個月時間，我們須在本年7月12日前籌措每月 60 萬元營運開支，否則 Channel C 將關門大吉」。負責人話要維持營運需要16000人訂閱，但到近日訂閱人數都只有654人，並不理想。

Channel C透露，該平台的全職與兼職員工共25人，連同其他開支例如租金，每月平均支出60萬港元，但開台近兩年來一直處於入不敷支水平，全靠「神秘金主」支援，估計已支付差不多一千萬。