毛孟靜獄中患流感已康復　冇得化妝要用手掹白髮

因參與非法「初選」的立法會前議員毛孟靜仍在還柙，另一名前議員邵家臻噚日喺社交平台發文透露佢嘅鐵窗生涯，話毛孟靜精神很好，瘦咗些少，之前還患上流感，都已經康復。人在監倉，沒有化妝品化妝，白頭髮都只能用手掹走喎。

邵家臻噚日同前議員梁耀忠去咗羅湖懲教所探毛孟靜，話毛其中一個兒子長期喺法國生活，為能夠更順暢地與兒子溝通，現在「上晝學法文，下晝學英文，晚上學中文」，自言在獄中「前所未有地咁夠瞓，前所未有地睇咁多書」，當刻是她有生以來最有學問嘅時刻。

邵家臻又話，毛孟靜喺獄中「大棚」生活，跟30人一起工作，與10人同一起睡覺，話群體生活令佢認識到世界嘅另一面，聽咗好多唔同嘅故事，好似昔日做前線記者嘅日子咁喎。