港女英國留學搵唔到工感迷惘　網民：「睇機會一定係返香港」

隨着英國今年的經濟前景下滑，失業率上升，就算係精英移民都會俾鬧搶咗本地人嘅工作機會。近日有喺英國讀咗2年碩士課程的港女在網上發文，大呻寄咗差唔多50幾份申請都未有回覆，形容自己「搵工搵到迷惘」，話唔知返唔返香港好喎。有網民就留言鼓勵她「既然香港係你碼頭，唔好諗，一於返去」、「如果剩係睇機會，咁一定係返香港，啲人走晒，警察都放寬限制」、「一律建議回港」。

該名港女在fb群組「英國香港人生活交流區」發文提到，「喺英國讀咗2年Master（碩士），準備搵Graduate job（畢業就業）」，而佢本身喺香港同英國加埋做過4份 summer internship（暑期實習），亦唔介意返工地方。

然而，樓主於上年12月開始，寄咗差唔多50幾份申請都未有回覆，「原本有2個offer（提議），但係都話我唔可以早啲返工，所以又reject(拒絕)咗」。樓主於是便請教學校一啲在職人士，而對方均回覆指「我 cv（履歷）一定搵到工」，但係樓主直言「而家搵工到搵迷惘，唔知返唔返香港」。

有網民留言分析指，「其實50份得2份有回音，一係就個industry(行業)好差，好多人爭一個post（職位）；一係就你份cv 唔吸引」，問樓主有冇問過其他同學搵工搵成點，「如果大家都係咁就唔係你問題啦」，亦有網民建議「如果有internship都做住先，識多啲行內人或者較易找正職」。