英網絡安全法侵犯隱私   WhatsApp寧退出英國

英國推出《網絡安全法》加強監管社交媒體的非法內容，同時對「點對點加密技術」施加限制，受影響的WhatsApp或因無法遵守而要在當地暫停營運。今次的爭議令一班移民英國的港人十分頭痕，因為佢哋早幾年聲稱擔心私人資料外洩問題，叫人杯葛WhatsApp，但勢估唔到而家變成WhatsApp反對英國嘅法案。

英國政府為了加強監管，推出《網絡安全法》，強制社交媒體、搜尋引擎及其他容許用戶分享個人內容的平台，保護兒童及打擊恐怖主義等活動，並賦予監管機構。英國通訊管理局權力對平台作出審核，包括有權要求平台提交用戶發送的訊息內容，若涉事公司未有遵從或阻礙監管調查，除了面臨巨額罰款，公司高層還可能要入獄。

有移英網民擔心如果連有「點對點加密技術」的通訊服務都唔再合法，咁咪要轉用嗰啲連加密技術都冇嘅服務。按如此邏輯，不少人即轉軚，同WhatsApp站在同一陣線，反對英國落實呢條法案囉。

查實，WhatsApp都不稀罕英國呢個細市場，其負責人卡斯卡特早前曾表示，如果英國政府強制WhatsApp削弱雲端服務，寧願遭當局禁止營運也不會遵守要求。