憂倫敦治安差　移英港人有工唔敢返

英國治安差就唔使講，近日有移民英國的港人在社交平台求助，話「想問吓夜晚11點幾，倫敦市中搭地鐵，安全情況點？」，皆因佢搵到份工，但就要晚上11點半才放工。帖文一出，不少移英人士七嘴八舌分享意見，話「男仔就好啲，女仔真心唔安全」、「好危險㗎，唔好返喇」、「驚搭地鐵咪搭巴士囉」，亦有人提到兒子遇劫、搶手機、老婆遭人跟蹤返屋企，話「總之萬事小心...總有人好彩唔好彩」喎。

英國是否盜賊如毛，除了有罪案率的新聞可供參詳外，有移英網民亦留言講述身兒子遇劫的情況，指「我仔幾年前在偷敦zone2試過白天被人坐電單車明搶手機，佢係唔好彩亦係好彩，因手機太滑賊人拿不穩，整台機明明到手也滑了在地上，最後被仔快手腳拾回」。

另有移英人夫分享真實個案，表示我老婆同事喺市中心一收工，落到街就被一個黑人搶咗iphone，「當時只係晚上7點幾，最後報警都冇用，落口供嘅時候警察都講都明冇乜機會會搵得返個電話，同埋拉到人。」

而他的老婆亦曾遭人跟蹤，他憶述:「喺自己屋企附近地鐵站，我老婆自己一個落地鐵行返屋企嗰陣，被人跟蹤返屋企，佢一返入屋同我講，我擸架撐衝出去搵嗰條友，佢一見原來唔止一個女仔，佢就調頭走都走唔切，最後被我截住咗佢，佢熟就扮晒嘢話蕩失路，而我自己本人就乜事都冇。」

然而，相信這些個案只是冰山一角，各位移英人士怕且要自求多福喇！