Tiger拍片搵MIRROR四子出鏡 直言對幕後有興趣
MIRROR成員邱傲然（Tiger）今日（20日）出席《第十七屆鮮浪潮國際短片節》記者會，由Tiger出任導演，MIRROR成員楊樂文（Lokman）、江𤒹生（Anson Kong）、陳瑞輝（Frankie）及李駿傑（Jeremy）主演的短片成為開幕短片之一，也是Tiger繼為團歌《破鏡》MV執導後，首次擔任短片導演。
被問及想憑該片為觀眾帶來什麼啟發時，Tiger在台上坦言：「我冇咁偉大，拍呢部短片係好自私，我只係自己鍾意嘅嘢同感覺放入去，所以就放咗Lokman入去。」他稱由於預算及時間相當緊迫，整個拍攝過程很驚險，前期準備功夫要做得很充足，才能在4日內完成拍攝。
Tiger表示，拍攝比想象中要控制更多人與事，要下大量功夫。被問到為何邀請四名成員參演，他笑言：「今次都搵咗三分一隊員演出，要搵啲得閒啲嘅成員，咁啱佢哋嗰段時間比較得閒。我唔演是想專心做好導演。如有機會，當然想試下做電影導演，但唔知有冇人投資。」Tiger不諱言經過今次經驗，發現自己對幕後工作有濃厚興趣，對於初次執導的短片，他給自己70分，認為若時間等各方面工作做得更精準的話，效果會更好。
（點新聞特約記者陳惠芳報道）
相關報道：
