九巴上演MMA 老翁被3人圍攻只因「咳咗兩聲」？
九巴車廂今日（11日）上演一幕MMA暴力場面，場面驚險混亂。上載者稱，有關影片是E31路線九巴車廂，一名有戴口罩的老翁疑因「咳咗兩聲」，引來同車一女乘客不滿，之後雙方發生爭執繼而動武。
視頻中，一名灰衫長髮女子頻繁對老翁出拳，鄰座藍衫男子亦捉住老翁的左腳「配合」女子，而坐在前方的一名老婦亦加入戰團，不斷用拐杖襲擊老翁，不時可聽到同車人士喝止聲音，惟「戰事」不斷。
上載者表示，今日下午1時40分左右，乘巴士由愉景新城巴士站前往東涌，至青衣之前，坐在逃生門附近的老翁突然「咳咗兩聲」，之後隔壁的灰衫長髮女子以咳嗽聲回應，「個女人特登好大聲咁咳咗幾聲，然後隔離藍衫白髮男人就好似玩咁樣，特登除口罩望住阿伯方向咳兩聲，然後個女人就望住阿伯話『我都識咳』，阿伯笑笑口話『我都識』」。
兩人的口角由此開始，上載者指灰衫女開始講粗口，而一名坐在附近的老婦突然調位坐在老翁對面，「我擔心佢哋有咩衝突所以即刻調咗位，然後拐杖阿婆唔知因乜事加入戰團，拎起拐杖襲擊阿伯」。見到拐杖阿婆襲擊老翁後，上載者開始拍片記錄，形容當時場面非常混亂，情況一發不可收拾，「灰衫長髮女人同拐杖阿婆瘋狂超狼死咁襲擊阿伯，阿伯俾佢哋打到帽、太陽眼鏡、鞋都飛埋出嚟，阿婆仲係咁攞支柺杖打阿伯同插阿伯，阿伯全程處於下風齋擋冇還手，個白髮藍衫男人唔知做乜嘢係咁捉住阿伯隻腳，得阿伯俾個女人同阿婆係咁打」。
從視頻中不斷可聽到乘客試圖調停，「喂喂喂！報警啦報警！收手啦！你哋唔可以咁嫁」，惟「戰事」仿佛一發不可收拾，幾人繼續互相毆打，其後有人通知車長。司機明確表示，若不停手便要求他們下車並報警，而且亦要求幾人分開坐，惟灰衫長髮女人仍然繼續鬧。
上載者亦指，全車人都有叫司機，全車人都有叫停手，全車人都有喝止，「如果我行埋過去就會變毆鬥，唔係拍片者不救，係不能救」。至於老翁是否安全？上載者就指，注意到阿伯後來一直閉着眼，出於擔心，自己便提醒司機去看看老翁並報告公司才落車。
（點新聞記者報道）
相關閱讀：
