（有片）重唱《尋人》嚇壞指揮 趙學而憶吳耀漢：好有幽默感
《趙學而x香港業餘管弦樂團音樂會》已於昨晚(10日)假伊館圓滿完成。學而對於相隔一段時間再次跟廣大樂迷見面，又能跟香港業餘管弦樂團合作感到十分開心。
開騷時學而甫登場便跟歌迷表示感謝：「多謝大家冇去旅行，留在香港推動經濟並且來看我的演唱會。」學而更指自己聽某些歌會很容易觸動情緒而落淚，所以避免揀來在音樂會上演唱。當中學而特別地演唱了兩次《尋人》完全是因為非常有感覺，同時歌曲極具意思。全因近幾年疫情的關係，身邊有朋友移民，而且更讓人再次認識到健康的重要性，戲言身邊多一個人更開心，因此藉歌寄意，想找他們、跟對方見面，細訴思念之情。不過就把指揮阿Moon嚇倒，因她以為自己指揮出錯，學而要求重唱。學而就指自己一向沒規矩，喜歡改就改。
學而這次翻唱了不少歌曲，但去到方皓玟《假使世界原來不像你預期》部分，她卻怕情緒襲來不敢唱，只由樂團演奏及邀請觀眾合唱，不過最終還是感動到淚灑舞台，學而解釋：「我好鬼渣、好眼淺，一聽到啲令我好感觸嘅歌就會咁，尤其是呢位歌手，佢自己寫嘅歌真係打動到好多人，除咗打動到我，好多香港人都會好有感受。（所以特登唔唱？）冇錯，如果我自己唱肯定收唔到科，我寧願坐喺度聽，不過都開心觀眾好錫我，現場開住手機燈唱呢隻歌。」當被問到音樂會會否舉行Part 2時，學而回應：「一切都要睇緣份以及當時情況，的確未能早下決定。」
學而與吳耀漢一起拍攝電影《救殭清道夫》，對前輩離世深感惋惜，她説:「Uncle Richard係一個好Nice嘅人，雖然佢唔係好多嘢講，但每句說話都好有幽默感。同佢合作過一次電影，雖然合作時間唔長、場口唔多，但係都有坐低一齊傾偈，好可惜，希望佢家人節哀。」
（點新聞特約記者陳惠芳報道）
更多報道：
