兩大行李篋逼爆的士窗 網友：入邊個數？
今日（7日）是復活節假期第一天，不少市民都選擇外遊。點新聞提提你，攜帶行李篋出行時一定要留意擺放安全，小心樂極生悲。有網民日前在社交平台上載兩張相片，有的士司機幫乘客放置兩個大型行李篋在車尾時，疑因行李篋太大，車尾門被「頂爆」，導致玻璃碎片散落一地。
相片可見，涉事的的士停在路邊，而司機及乘客站車尾位置，見到玻璃碎落地上的場景，表情顯得相當無奈。該事故原因相信是司機或乘客關上車尾門時，行李篋邊角撞向車門玻璃，令玻璃被撞碎。
有網友指相片中擺放行李的方法有誤，「其實做咩打直放呢，還要放到最出，一大力關爆硬啦」「通常都打橫放，喼角最硬」。亦有網友好奇應由誰賠償的士維修費用，「塊玻璃點計先，又call保險？」「邊個關門邊個負責，就係咁簡單。明顯閂唔埋都要閂，冇常識嗎？」
相關報道：
