炎明熹迎18歲「不想長大」 透露要做一樣嘢
「聲夢人氣王」炎明熹（Gigi）3月20日為《勁歌金曲》進行錄影，4月9日便踏入18歲的她，坦言不想長大。
對於18歲成人，炎明熹想到第一件要做的事就是換身份證。她說：「我冇特別嘢想做，但身份證係一定要換。（會買六合彩嗎？）我主張運氣是在有需要時候先用，所以我唔會買，用運氣需三思而後行。（將運氣用在今年考DSE？）書係要溫，唔可以靠運氣，我每次貼題都唔中。（對考試有冇信心？）都有信心。」
至於生日會如何慶祝，Gigi預計會跟粉絲及家人度過：「家人會來港，所以好開心，以往是我回內地迫家，今次他們會帶細佬、細妹一齊。」至於生日粉絲聚會是否大搞，她預告會有個特別的出場方式。問她是否會從天而降，她開玩笑說：「可以，會係人生第一次吊威吔。」她說，仍未知會邀請多少粉絲，要交由歌迷會及公司商量。
（點新聞特約記者陳惠芳報道）
相關閱讀：
