MIRROR二子無懼「退粉潮」 冒雨燃情唱跳
MIRROR成員姜濤及盧瀚霆（Anson Lo）昨晚（2日）為西九音樂節壓軸演出。這是姜濤腳傷後首次踏上舞台，當晚他冒雨與一眾舞蹈員又唱又跳，一口氣演繹6首歌，當中包括新歌《Dummy》，炒熱全場氣氛。
姜濤於晚上約10時出場，連唱幾首歌已汗流浹背，半小時的演出除唱歌外，未有與台下粉絲互動說話。姜濤完成演出後，不少粉絲即離場，並未留下看緊接出場的Anson Lo演出。
姜濤事後受訪談到大汗淋漓兼成功減磅時笑說：「還好還好，不過會繼續努力，冇計過減咗幾多磅，總之要keep住唔好停。」至於即將開拍的新戲《12怪盜》，他透露：「圍讀完嘞，MIRROR每個人都準備得好好，我覺得好開心，因為未試過12人一齊拍戲。平時可以聚埋一齊嘅時間唔多，咁係幾好嘅一件事。（你負責打？）我算有少少嘅，（你有腳傷要打不擔心？）劇組會顧及我哋嘅安全，我覺得自己都好番九成嘞。」
談到「退粉潮」，姜濤直言：「不嬲都覺得自己進步空間有好大，希望觀眾睇多啲不同國家嘅演出者，督促我哋不足嘅地方，我哋都有睇其他人騷學習。疫情時候大家留意到我們，好多嘢都過咗去，唔怕前邊有困難，就算有好犀利的人入嚟，我哋都要進步，相信MIRROR係會做到嘅。」
Anson Lo當晚則以閃色打扮、露腰裝現身，「小蠻腰」相當搶鏡。台上他狂冧粉絲表示掛念他們：「今次日本拍戲係好攰嘅，但每日睇到你哋喺社交平台叫我努力，令我更掛住你哋，而為咗鍾意我嘅人努力，係值得嘅！」台下粉絲尖叫聲不絕。
Anson Lo對於「退粉潮」表示，知道仍有粉絲對他不離不棄，「近來我更加覺得大家支持我力度大了，他們付出好似多過我嘅努力，所以每次見面我一定會多謝佢哋，同埋表達好愛佢哋。（唔怕肉麻？）唔怕，真正嘅愛唔肉麻。」
不過有網民不滿「鏡粉」應援行為，在網上發文指「鏡粉」入場只支持偶像。鏡仔未出場前，粉絲遲遲唔入鏡，鏡仔一表演完又即刻離場，導致場內長期出現大批空位，直指此舉不尊重其他表演嘉賓，令場面尷尬。
（點新聞特約記者陳惠芳報道）
相關報道：
