中年好聲音｜杜德偉被融化 吴大強化身MJ獲高分
無綫真人騷《中年好聲音》，昨（2日）晚播出的第18集，是爭入八強的第六部曲《男歌女唱！女歌男唱》，經過一輪激戰，最終由吳大強獲得全場最高分89分，被淘汰的參賽者則是涂家堯。
上一回僅排第七的吳大強Bill哥哥，是集來個絕地大反擊，戴上帽子的他獻唱Bossa Nova版的《月亮代表我的心》，表演期間更大擺Michael Jackson招牌甫士，表現令人驚艷，主持車婉婉笑言：「啱啱以為城城（郭富城）嚟咗添！」對於Bill哥哥的演出，杜德偉大讚：「我頭先係完全畀你溶化咗，作為一個表演者，最緊要係要有Signature，Bill哥你完全做得到，每個人都記得你嘅形象，你今晚係大贏家。」張佳添則笑言：「大強每次都Prove到你係一個True Entertainer，一個71歲嘅Uncle擺個Michael Jackson嘅Pose，我諗我都做唔到。」肥媽聞言即激動說：「咩Uncle呀，我Brother嚟架，唔通我叫Auntie呀？」場面搞笑。最終Bill哥哥獲得全晚最高分89分，兼獲得本回合MVP，累積分數由上回合的4分飆升至16分，登上第三位。至於累積分數頭兩位的參賽者，分別是19分的李佳和18分的龍婷。
龍婷和周吉佩同樣獲得第二高分84分。化身Rock妹的龍婷一改甜美作風，Rock爆獻唱《特別的愛給特別的你》，張佳添大讚：「表演睇得好開心，睇到幾樣嘢係以前冇睇過，第一係力量，第二係動感，第三係假音，第四係奔放，雖然未去到狂野但我收貨，一直好想喺龍婷身上睇到一樣嘢，就係突破，今日我睇到。」肥媽則說：「我係畀得好高分，佢就穿透到我。」自彈自唱《我願意》的吉吉，雖然獲得的分數不俗，惟他被批表演時經常「乸埋塊面」。
（點新聞特約記者陳惠芳報道）
相關報道：
