葵芳劫殺案丨寡婦充當「家長」 收留「黑暴男」害命
葵芳閣謀殺案爆出驚人內幕，潛逃日本的25歲男疑兇Deran，與死者女鄰居秘密關係曝光！
《大公報》連日到案發大廈了解，並獨家訪問案發單位同層鄰居、葵芳閣業主立案法團的劉先生、劉太及其他街坊，發現疑兇並不是傳言所指是死者毗鄰單位女戶主女兒的男朋友。事實上，該名早年喪夫的女戶主一直對外聲稱疑兇是胞姊的兒子，實則有人充當「黑暴家長」，收留身為「黑暴」分子的Deran入住其住所，種下禍根。
葵芳閣謀殺案中63歲死者梁雪卿疑因撞破鄰居爆竊，被賊人用鐵筆重擊頭部致死，警方鎖定疑兇為25歲男子，並相信他在犯案後已潛逃日本，警方已尋求國際刑警協助。女死者今日在殯儀館設靈，惜沉冤未雪。
收容疑兇三年 聲稱為「姨甥」
案發前一星期有街坊留意到死者女鄰居變得憔悴寡言，可能曾發生爭執欲將「黑暴」Deran逐出家門有關，懷疑Deran把心一橫，用鄰居寄存的後備鎖匙入屋爆竊，詎料被女事主撞破，索性殺人滅口，有閉路電視拍到案發時另有一名年輕女子在大廈外接應。
大公報記者深入了解，發現疑兇並非死者女鄰居女兒的男朋友。劉先生表示：「X太話個男仔（疑兇）係佢家姐個仔（姨甥）嚟，佢親口同我哋講㗎，同所有街坊和管理員都係咁介紹。佢個女仲係自中五、六左右就去咗美國讀書，好似話讀考古定同圖書館有關嘅專業，大概兩年前2021年暑假先返過嚟一年半左右，早排飛返去啦，話去英國做嘢。我哋都無見過佢口中嘅『家姐』，個男仔住咗喺度三年，照計做阿媽嘅點都會嚟探下個仔嘛，但我哋同樓下管理員都無見過。」
劉太說：「我哋出入間中都會撞到（X太）個女同個男仔，不過都係分開見到，未見過佢哋一齊出入，連管理員都話未見過，你話邊有可能係男女朋友？而且佢個女都30幾歲，個男仔先得25歲。至於話係佢個女嘅男朋友，呢個傳言我哋就唔知邊度嚟。」她續說：「佢個女今次走嗰陣，連兩隻貓都拎去做埋檢疫帶過去，移民咁喎！」
據街坊透露，X太現年60多歲，任職社工，是一名教徒，她在葵興或附近地區的社會福利署或相關機構工作。自疑兇被「起底」，揭露他是「黑暴」活躍分子後，有傳她其實是「黃絲」社工，她充當「黑暴家長」，其寓所亦淪為「老鼠屋」，專門收留「黑暴」分子，包括案中疑兇。
女兒返家一年多「都係瞓廳」
劉太說：「個男仔喺度住咗三年咁耐，黑暴過咗仲唔走，究竟係趕佢唔走定咩原因呢？仲有個女返嚟一年多都係瞓廳？畀間房個男仔瞓咁奇怪？」對於傳言指疑兇是女兒經網上先認識再委託媽媽照顧，劉生和劉太對此說法有所懷疑。「個男仔三年前搬嚟住嗰陣，X太個女都未返嚟，甚至連管理員都未見過佢哋一齊出入。加上X太的背景……其實個女仔係咪食咗『死貓』呀？」
據街坊形容，死者與X太關係情同姊妹，X太女兒直情視死者為契媽，兩家人十分要好，因X丈夫十多年前過身時，死者給予她們兩母女很大幫助和關心，兩家關係非常好。
劉太憶述：「我哋班街坊平時會落四樓種下花草，大家都好熟，有傾有講，X太好健談。不過聽啲街坊講，單案發生之前大概一個星期，X太睇落好憔悴，黑眼圈都出埋，又好少出聲，心事重重咁。而家諗返轉頭，唔知會唔會關個男仔喺佢度住嘅問題。」
案發當日有閉路電視拍到，疑兇作案期間，有另一名年輕女子在大廈外接應，疑兇離開大廈時與她一同離開，其間疑兇曾換過衣服，將脫下的衣服放在附近一間便利店外。另外，數年前「黑暴」期間，案發大廈一個儲物室曾發現被人爆鎖闖入，用作儲放「黑暴」裝備，包括防毒面罩、頭盔、黑色衣物等，未知屬誰或是否與疑兇有關。
（來源：大公報）
相關閱讀：
