張國榮逝世20周年 炎明熹清唱4首金曲致敬
本周六（4月1日）是張國榮（哥哥）離世20周年，為了紀念這位已故樂壇巨星，無綫一連三個周末推出以《永遠寵愛張國榮》為主題的特備節目。無綫官方社交網「See Saw先」亦找來炎明熹（Gigi）、以清唱方式獻唱哥哥四首經典金曲，包括《為你鍾情》《今生今世》《風繼續吹》及《追》，相關片段將於今晚六點播出。
根據官方公布的片段內容，素顏眼鏡Look上陣的Gigi，充滿感情地徐徐唱出由她親自挑選哥哥的四首經典金曲。Gigi是次獻唱更是「零修音」原裝直出。談到素顏上陣，Gigi受訪時透露原來是其本人意願：「因為See Saw先嘅觀眾睇得最多就係我呢個樣，我同工作人員都覺得咁樣出鏡可能對佢哋嚟講更有親切感。其實我都唔係好鍾意化妝出鏡，呢個係我最舒服嘅狀態。」
工作人員又指「精益求精」的Gigi，曾主動要求「重錄」致敬獻唱片段：「原本上星期拍咗一次，但Gigi覺得自己當時把聲爭咗啲，因為嗰日做完嘢有啲攰，佢就主動要求過幾日再錄過，好有誠意、對自己好有要求，亦都希望以最好嘅狀態向哥哥致敬。」在今晚播出的片段中，大家將會見到Gigi認真地研究出最圓滿的演繹方法，試key時又會眼仔睩睩邊錄邊諗點fine tune。
此外，Gigi對工作人員態度亦相當友善，全程與大家有商有量之餘，於錄畢所有歌曲後亦有禮貌地向工作人員道謝：「感謝大家，辛苦曬！」錄音期間又一再為自己認真打氣：「我可以嘗試嘅！」，盡顯有禮可愛一面，難怪工作人員都封她做「幕後開心果」。
（點新聞特約記者陳惠芳報道）
相關報道：
