見到梁釗峰便開心 馮允謙：佢似Snoopy
「唱作歌手」馮允謙（JayFung）昨晚(26日)在紅館舉行第二場演出，蔡一傑、ANSONBEAN、Jer@MIRROR、洪卓立、肥仔@ERROR、Tim@Dear Jane與太太楊洛婷、應智越（細貓）等捧場，他們不但在Jay勁歌熱舞時，起身跟住跳舞，完場後跟Fans一樣不肯離場，還起哄大叫「JayFung」和「Encore」，Jay再度出場，演唱他作曲填詞的英文歌《How many times》，大派心心。
連續兩晚擔任表演嘉賓林明禎，這晚換上全新紅色貼身裙，大騷身材和美腿，她與Jay貼身舞火辣升級，最後兩頭靠近幾乎咀咀時關燈，全場尖叫。而另一位表演嘉賓梁釗峰出場，亦令全場氣氛急升。他們合唱《我好想你》後，釗峰透露與Jay首次約會是一起去欣賞填詞人周耀輝老師的音樂會。釗峰揚言Jay在他我心中很重要，又說：「佢身邊每個人都愛惜、關心和照顧佢，係有原因。幾年前佢生日，我模仿佢錄過嘅一段旋律，唱咗句生日快樂嘅訊息畀佢。正常都係覆一句多謝，最多畀埋心心，但佢唔只畀心心，仲錄返條影片畀我，一齊睇。」
台上熒光幕播出Jay將多謝的說話用英文唱出，非常可愛。釗峰又說：「有一次拍節目，佢話：『我每次見到釗峰都好開心、好想笑，佢個樣好似Snoopy。』」身旁的Jay搶着說：「真係好似，好可愛，所以我叫佢『Snoopy』！」釗峰無奈地說：「喺Jay心目中我係一隻可愛小狗！」全場爆笑。Jay強調：「唔係可愛小狗，係Snoopy，地位係好高架！」其實Jay是Snoopy迷，釗峰送他Snoopy擺設，對他說：「你放喺枱頭，代表我。」
昨日Jay台上兩度灑淚，當他唱《Days，They've Gone Too Soon》時，表示感激父母支持他追夢，說：「Daddy媽咪，我今日夢想成真，我企喺呢度⋯⋯（全場掌聲和歡呼聲）聽唔聽到？雖然我唔係做醫生或者好叻，但我真係好鍾意音樂，多謝你哋畀機會追我嘅夢想。」他邊說邊抹眼淚，除了唱歌還吹奏一段口琴。另外唱《Keep on fight on》時表示這歌是他在谷底時，歌詞給他很大安慰，唱到一半就忍不住喊，觀眾拍掌鼓勵。演唱會尾聲，Jay邀請全場觀眾開手機燈，自拍星海大合照。
（點新聞特約記者陳惠芳報道）
更多報道：
