中年好聲音｜演唱葉麗儀《上海灘》 李佳高分出線
無綫真人騷《中年好聲音》，昨晚（26日）一集進入十強激戰首個回合《煇黃經典》，最終愈戰愈勇、來自上海的李佳憑唱《上海灘》獲得全場最高分87分，並獲得回合MVP，以12分累積排名分遙遙領先。而十強首位被淘汰是年青時曾參加新秀歌唱比賽的丁文俊。
上一回合已獲取高度評價的李佳，一開唱已「聲」勢逼人，評審張佳添不但聽至眉飛色舞，事後更大讚：「開咗個好聰明嘅頭，用一個好soft嘅頭lead咗入去先，淡定咗個人先，入咗件事先嚟『浪奔浪流』，否則會有啲危險，因為好難唱得好過原唱，你做到八成，呢個唔係批評，係讚美，八成係very good。」周國豐則分享葉麗儀當年灌錄《上海灘》小秘密：「有啲分係畀你夠膽死，嗰時葉麗儀淨係唱『浪奔浪流』呢四個字，喺錄音室都唱咗兩個鐘，淨係四個字都可以唱死人。」
另外三位表現亮眼選手還有龍婷及支嚳儀。首次獻唱廣東歌的龍婷，不但標準咬字讓評審喜出望外，其「焚心以火」四字帶出的穿透力，更令伍仲衡眼前一亮。而十強首位被淘汰的是獻唱《網中人》的丁文俊，被舒文點批唱歌欠缺大細聲及層次的他，獲得75分全場最低分。對於自己成為首位出局者，丁文俊笑指「賺咗好多」。
（點新聞特約記者陳惠芳報道）
更多報道：
