黃店齊賣慘出帖怨無生意 網民:宣布執笠大把人排隊
![](https://dw-media.dotdotnews.com/dams/product/image/202303/21/64194364e4b05e2c13133c22.jpg)
黃店齊齊賣慘,大呻生意難做!在黑暴中撐暴煽「獨」的「泰基隆」餐廳日前在社交平台發帖話,「依家做餐飲真係難頂……星期五晚上八點條街可以無人」,帖文惹嚟同病相憐嘅「煲底海鮮火鍋料理」回應,話「尖沙咀都靜,星期六得四張booking,大家加油」喎。惟網民一啲都唔同情,揶揄「19年叫攬炒,求仁得仁」、「自食其果」、「宣布結業大把人嚟排隊」。
猶記得,「泰基隆」餐廳2017年開業以來生意一直不佳,黑暴期間幾近執笠。店主見撐暴有利可圖,高調撐暴煽「獨」,吸引大批所謂同路人幫襯,大發黑暴財。至於「煲底火鍋」開舖時,喺店整咗幅有修例風波期間嘅死者周梓樂、陳彥霖,同「爆眼急救員」等畫像嚟做「打卡牆」,結果畀「黃絲」大罵無良食「血饅」、消費死者,叫大家唔好幫襯。
如今兩店落得如此困境,有網民就揶揄「攬炒成功,煲內空空如也,淨係見到煲底」!