口罩滯銷成蟹貨　黄店賣慘情勒手足

口罩令解除，以致不少口罩滯銷。黃店「文具佬生活百貨」嗱嗱臨在社交平台發文，叫大家幫幫手清啲倉底貨，話佢哋仲有五百萬個口罩「蟹貨」未賣出，而家以超低價發售，仲話網店更會有「瘋狂」回贈喎。望真啲，原來個優惠就係買滿200蚊減20蚊，咪即係得九折，真係好「瘋狂」呀！

黃店「文具佬生活百貨」日前在社交平台出post情緒勒索自己嘅手足，話終於等到同口罩講拜拜，但佢哋比較不幸嘅係，大概仲有5,000,000個口罩係倉，跪求大家幫幫手一人帶幾盒返屋企喎。

帖文又賣慘話，雖然開口罩廠嘅第一日就預咗有結束嘅時候，已經有晒心理準備；不過嚟到呢一刻，心入面都係會有啲不捨，有啲徬徨咁話。有網民揶揄「搵人笨」、「CAP水CAP到傻X咗」、「捐咗佢咪得囉，乾手淨腳嘛」啦。