廉政狙擊｜41歲胡定欣演少女零違和 與野狗搏鬥幕後是……
《廉政狙擊》昨（3月1日）晚一集，完全是胡定欣solo演出。41歲的胡定欣，飾演青春少艾不見違和，保養有功。
由於劇集早前已於內地播放，屠敏如何機智逃生一幕廣泛獲讚，內地網民更形容定欣的演出是「圈粉之作」。該幕她與野狗搏鬥的畫面雖然只有約1分鐘，但原來拍攝時劇組與定欣均花了不少心思及力氣。原來定欣拍攝該幕時全程是與空氣對戲，為了將與野狗搏鬥的肢體動作呈現得更真實，定欣需要與穿了綠色特效服裝的武術指導進行搏鬥，單是對位已花了不少時間。但定欣拍攝時最擔心的是「蛇蟲鼠蟻」：「我好記得拍呢場戲嘅前一兩日係落大雨，我唔係驚咗啲動作戲，因為嗰度有山坡同草叢，我反而係驚啲蛇蟲鼠蟻會爬到我身上面多啲囉，哈哈！因為真係要瞓喺地下搏鬥。」
胡定欣與方力申有一場終極對壘，方力申求定欣原諒時全程演出超肉緊。事後小方受訪時笑言臉上的汗珠是真汗水：「因為拍嘅時候係夏天，都好熱吓，加上劇情需要我嘅情緒好激動，所以真係拍到滿頭大汗，你哋鏡頭前見到啲汗，全部都係真汗水嚟架。」他又笑言這次與好友定欣合作不夠喉：「希望以後可以有更多嘅合作啦，因為始終真係識咗咁耐，同埋都希望可以再多啲機會向視后偷師嘛。」
（點新聞特約記者陳惠芳報道）
相關報道：
