戲仿《國產零零漆》 陳湛文盼吸星爺眼球
藝人陳湛文近日完成演出「飯氣攻心」舞台劇,日前更夥拍肥腸(徐浩昌)為港鐵拍攝有關環保訊息的廣告,為求吸引觀眾,二人戲仿經典電影《國產零零漆》造型及橋段。
陳湛文直言是次重演周星馳對白和語氣,希望會令對方留下印象:「因為周生呢排社交網站成日都覆訊息,所以我會將今日嘅造型、擺埋Pose傳信息比佢,問嚇周生仲記唔記得係邊套戲!」他還說:「如果可以同周生合作就做咩都得,就係喺現場偷嚇師已經好正。」
陳湛文笑言既期待模仿經典,但卻發現與肥腸同場竟然是最大的挑戰:「其實拍呢個廣告都唔洗點『溫書』,因為對呢幾套戲實在太熟喇,所以呢次最大考驗就係對手,對住肥腸做『靚靚』(袁詠儀)真係考驗到我嘅專業。」
(點新聞特約記者陳惠芳報道)
相關閱讀: