移英黄絲疑遇撞車黨　追索保險賠償

英國治英認真麻麻，老爆、偷車、搶劫已經係家常便飯，日前有移民英國嘅黃絲話驚遇「撞車黨」，疑遭對方製造「撞車意外」敲詐喎，雖然當刻幸保不失，但就被對方追索保險賠償，遂上網發文向同路人求救。

該名移英黃絲車主在fb群組「英國香港人生活交流區」發帖敘述事發經過，指當日在超市Tesco 泊車，「隔離車司機落車同我講啱啱我泊車時刮花佢車尾」，並指出一條很細的刮痕，對方聲稱有目擊證人，並展示目擊者的聯絡方法，跟手就問佢要車保資料，話要索取賠償。

不過，黃絲車主好肯定冇撞到對方架車，隨即叫對方報警處理。最後，對方冇報警，車主亦冇提供車保資料，雙方只是交換咗電話號碼。然而，事隔一排，該司機致電車主「問我保險公司名，聲稱佢保險公司需要知道我保險公司名」喎。不少網民都話應該不用理會，亦有問車主點解畀電話號碼對方，「你都冇撞到佢，你想識多個friend...？」。