中年好聲音｜吳大強顏志恒強强聯手 阿B聽到眼濕濕
無綫真人騷《中年好聲音》，明晚（19日）播出的第12集，將展開第五部曲首回合《雙人合唱！二選一離場！》，今個回合的嘉賓評審是「B哥」鍾鎮濤。
根據分組情況，「大魔王」吳大強＋網上人氣極高的顏志恒絕對是「強強聯手」，睇頭十足，B哥哥賽前都話睇好兩人：「兩個聲音都好有特色。」雖然大強和志恒年齡相差接近30年，但無礙兩人合作，張佳添大讚：「好有Bromance嘅感覺，仲有突如其來嘅感動。」B哥哥則直言聽到眼濕濕。
獻唱《相愛很難》的周吉佩＋林鉫徫，賽前已笑言「唔過電」，吉吉說：「望住佢冇毛管戙，只係覺得唔係好啱數咁！」雖然兩人把口就話唔過電，但造型上襯到絕，齊齊以「黑白雙煞」Look上陣，台風十足。此外，吉吉的太太帶同兩位小朋友到場支持老公，家姐周洛澂帶住細佬周煥林上台送花，細佬更萌爆拉票：「爸爸唱得好好聽，大家唔該拍手。」非常可愛。
鮑聖光+魏嘉信合力獻唱《Crystal》，兩位內斂男突破心理關口，在舞台上上演爭女戲碼，伍仲衡聽畢大呼過癮：「我睇得好開心，好似兩父子爭女咁，老竇同個仔鍾意咗同一個女人！」周國豐則笑言：「今日見到嘉信嘅另外一面，真係戥你老婆擔心。」
（點新聞特約記者陳惠芳報道）
更多閱讀：
