小學生嫌學校飯盒難食遭投訴　港媽親自下廚自備飯盒

學校自本月起逐步恢復全日面授課堂，並為學生在校內安排膳食，但就未啱口味。有港媽近日於討論區發文，指兒子嫌學校的飯盒難食，成日都食剩好多飯餸，搞到被班主任投訴浪費食物。港媽在權衡之下，決定親自為兒子準備飯盒，「為咗小朋友辛苦啲都值得」。

該名港媽在香港討論區以「小朋友嫌學校啲飯難食」為題發文，指學校飯商啲飯一向都出名難食，兒子於疫情前本身都有跟學校訂飯，惟停課後「食慣屋企飯」，而家跟學校訂飯日日嫌學校啲飯難食。最令港媽煩惱的是，「搞到班主任都打嚟投訴，話阿仔成日都食剩好多嘢，好浪費食物，問佢平時喺屋企係唔係都係食咁少」。

港媽相信兒子並非不懂珍惜食物，「因為阿仔平時喺屋企都係食好多！應該真係好難食所以先食剩咁多」。她亦認為「畀咁多飯錢但係都唔啱小朋友胃口，好晒錢嘅感覺」，因而「決定以後都自己煮飯畀小朋友帶飯」。港媽坦言，「自己煮真係攰，而家要煮足一日三餐咁濟，但係為咗小朋友辛苦啲都值得」。

帖文引起即引起熱議，有家長稱「其實真係難食，你試過就明。我就係親身試過所以我都唔迫個仔食學校飯」，有人更指「我個仔有個同學試過太難食即場嘔咗，老師要叫家長接走個同學，事後同學話佢唔係病，係太難食所以嘔」。但亦有家長認為「你應該教個小朋友難食都唔可以浪費食物。我估難食極有個譜嘅，唔係餿唔係臭就食得㗎啦」。