情人節出新歌《聰明豆》　ANSONBEAN自嘲不聰明

ANSONBEAN以往推出多首題材較為沉重的HipHop類型作品，今年情人節，他徇眾要求推出冧爆情歌，親自填寫Rap詞，更邀請「小薯茄」的阿冰擔任MV女主角。

ANSONBEAN透露《聰明豆》原定去年聖誕節推出，但因監製舒文要求高，推遲面世。他說：「其實呢首唔單只係一首情歌，套用喺人生、工作上都可以，以我自己為例，我性格好『衝』，有陣時錄歌、練舞，覺得用『力』可以解決問題，所以錄《聰明豆》嘅時候，舒老闆不斷叫我聰明啲去諗，點樣可以唱好啲，所以呢首歌除咗係情人節送俾豆粉嘅禮物，同時亦提醒我自己，做人要聰明啲。」

今次MV，ANSONBEAN邀請電影《一人婚禮》女主角阿冰演MV女角，與她配成「豆冰CP」。MV中二人不乏甜蜜溫馨的畫面，其中一場戲他們在窗邊晾衫，期間兩人耍花槍互打，不慎把衣服丟到樓下單位。問阿冰對ANSONBEAN的感覺，她笑說：「我覺得他係一個好人，經常笑容滿面，我唔鍾意啲衰人。」

（點新聞特約記者陳惠芳報道）