茶餐廳「豬扒刺身」盛惠$78　網民戲謔「一味兩食」

新年流流，小心禍從口入！近日有網民發文表示，在大圍幫襯一間連鎖茶餐廳，點了一份78蚊的晚餐,卻換來「塊豬扒係生嘅」。帖文一出即引來網民熱議，紛紛留言戲稱「豬扒刺身」、「一味兩食，煎同刺身，78元抵食」、「夠嫩，盡顯功架」；亦有人批評「好過分，咁都可以上枱」、「不如直接原材料上枱吖笨」，建議事主向食環署投訴。

該名網民日前在Fb群組「香港茶餐廳及美食關注組」上載照片，指「先唔評論好唔好食，$78晚餐，塊豬扒係生嘅」。從照片可見，該塊豬扒表層已煎至金黃色，惟內裏卻十分呈現淡紅色，明顯未煮熟。事主遂向該店員，但「人地第一句問我，咁你想點，個態度好似係我搞事咁」，令事主感到委屈，話「見多人(排隊)，應該唔伏先入去試下」。