中年好聲音｜前助手参賽 蘇永康任評審稱畀分會Harsh啲
無綫真人騷《中年好聲音》，周日（5日）晚播出的第十集，評審嘉賓為蘇永康，曾是他助手的丁文俊更是參賽者之一，他直言公私分明不會「鬆手」。
蘇永康笑指自己是節目忠實粉絲，他說：「睇咗好多個星期日晚，習慣咗同太太夾住個仔喺度睇，十點後個仔差唔多瞓，所以個仔唔知咩賽果，但我哋就好清楚。」而19名選手當中，原來有兩位與蘇永康相識多年，蘇永康笑言：「當中有人識咗好耐，識咗30幾年嘅都有，佢就係羅金榮，好impress佢對音樂嘅追求。識咗廿幾年嘅都有，佢就係丁文俊，佢仲做過我助手幾年添。」相認過後，蘇康再用認真Mode說：「但咁樣未必係好，因為我知佢哋有幾好，所以畀分可能會Harsh啲。」
是集最大花生位，落在肥媽及伍仲衡身上，曾針鋒相對的兩人再次因意見分歧鬥嘴。事緣顏志恒獻唱肥媽的《Ma Ma I Love You》，志恒真摯的演出感動得肥媽眼濕濕，惟伍仲衡不太受落與肥媽意見分歧，肥媽沒好氣謂：「伍生成日話要有穿透力，我個心依家穿咗窿添啦，佢個心真係石做架！」已升呢爸爸的蘇永康則笑言：「佢啱啱先求婚成功，佢可能過多幾年再評呢隻歌就唔同架喇。」場面搞笑。
（點新聞特約記者陳惠芳報道）
更多閱讀：
