梁頌恆開頻道教炒股搵錢　借機叫人「課金」

逃匿到美國的「港獨」分子梁頌恆為咗吸金無所不用其極，搞搞吓所謂「國際線」，就趁勢喺Patreon出post教人炒股搵錢，大談港股美股，近期仲開設Youtube頻道，聲稱係「最認真嘅財經節目」喎，不過只有104位訂閱者，真係少得可憐。有網民在影片留言揶揄「冇金主課金搞政治 要R(搲)撈金融？」、「你啲鴨脷洲口音好重，我聽唔明你講乜 ! 一隻輸到貼地嘅PK教人炒股笑X死人 !」

睇返佢個Youtube頻道「巴仔講經」簡介，佢就話呢個係「被香港政府通緝第 X 次的人，同大家傾財經波經馬經嘅頻道」，而影片內容就只得佢一個人獨腳戲。簡介仲貼上其Patreon（眾籌會籍）叫人「課金」睇內容，收費由4.99美元（約38港元）到49.99美元（約388港元）不等，話會睇到「描寫牢獄中生活的作品」以及「不定時的波馬股票金融政治分析」云云。