轉公司重新出發　Gin首次挑戰跳唱歌

李幸倪（Gin）加盟英皇娛樂首支派台作品《Dum Dum》。因她首次挑戰跳唱歌，對歌曲抱有很多期望。

Gin說:「今次最想achieve嘅嘢係『突破』，同埋要俾大家煥然一新嘅感覺。聽咗好多唔同嘅歌，自己都幾肯定係想要一首快歌作為第一plug。」歌詞方面，講述一個人重新開始，想要成為一個更好的自己的同時，有甚麼令到自己停滯不前？其實最大的敵人很多時都是自己。

MV方面，Gin以四個造型示人，四個造型中，Gin最喜歡cool爆的黑西裝「Hunter Gin」，「首先睇吓我對con先，勁淺色，好似變咗第二個人；頭髮都經過好多次處理，漂咗染咗四、五次，坐咗幾十個鐘先有呢個效果。除此之外，由於是跳唱歌曲，Gin每日均花三至四小時練舞，希望可以掌握每個動作細節，到而家係有信心去做每一個動作，成個過程我會覺得係好唔容易，但係我好enjoy，雖然我好鍾意跳舞，但唔係由細去學，所以我要將勤補拙，好俾心機，盡量係爭取時間練好佢。我還特意加操體能，之前放假食多咗，知道正式復工，就狂操fit自己，跳舞、做Gym，要以最佳姿態示人。」Gin更自爆，起初做Gym心跳到140左右便會感到頭暈，差不多每次都做到暈，後來慢慢適應，自覺身體亦強壯起來，到後來就算做激烈運動，心跳到180多都沒問題，應付自如。

（點新聞特約記者陳惠芳報道）