萬千星輝2022｜江美儀驚喜封視后 陳山聰首膺視帝
《萬千星輝頒獎典禮2022》今晚（8日）假將軍澳電視城舉行，入行30年的陳山聰在今晚首次獲得最佳男主角，江美儀更是成功封后！
10年前已獲最佳女配角的江美儀，憑《下流上車族》力戰無綫視后寶座，最後一舉成功，揮低《回歸》的陳煒、《金宵大廈2》的李施嬅、《痞子殿下》的陳瀅等，一圓視后夢！
知道得獎後，江美儀不禁激動落淚，她說：「我冇諗過會攞獎！冷靜啲，江美儀！我以為自己唔係親生女，唔會有呢個獎！我要多謝曾生、珍姐、樂小姐！陳煒，我哋好爭氣！」宣布那一刻，江美儀即刻攬實陳煒，佢話：「屋企人終於可以親眼見到我攞獎，包括父母同妹妹。」
陳山聰首稱視帝 多謝曾志偉
入行30年的陳山聰在今晚《萬千星輝頒獎禮》首次獲得最佳男主角。
陳山聰在致辭時說：「非常感恩，喺人生馬拉松跌低唔係最難，反而係跌低之後企番起身而步向成功，先係最難，好多謝呢廿年幫我嘅人，多謝《金宵大廈》系列台前幕後，特別李施嬅，佢特登為我返嚟，TVB呢十年畀咗好多機會我，有3個人我要多謝，第一個係喺我最失意嘅時候問我仲拍唔拍劇嘅曾志偉，同埋兩個肯執我呢個百厭星返嚟，雪中送炭的珍姐、樂小姐，仲有我老婆，多謝呢十年佢對我嘅付出同埋生咗一個靚仔過我嘅仔，I LOVE YOU! 多謝所有支持我嘅朋友，同埋最緊要嘅伯樂JAZZ。」
首位新聞部人員得獎 方東昇獲頒最佳男主持
入圍今屆萬千星輝的「最佳男主持」獎，賽前大熱有林盛斌Bob、《尋人記II》有極佳表現的方東昇等，最終由方東昇奪得「最佳男主持」。前新聞主播方東昇近年轉型做主持，成為首位新聞部員工奪得主持獎項。方東昇缺席頒獎禮，獎項由《尋人記II》監製黃淑明上台代領，她更透露方東昇正籌備新節目。
拍《無窮》做到港女說故事 陳貝兒冧莊最佳女主持
《萬千星輝頒獎典禮2022》的最佳女主持，今年再由陳貝兒成功冧莊再度獲獎。憑藉《無窮之路II—無價之保》冧莊，陳貝兒感謝TVB去年給予機會，並指去年是難忘一年,但她是個遇強越強的人，並要用自己表現、作品說故事。她說：「我要話畀大家聽，我係來自香港的主持，我是一個港女，我要話畀大家聽，我哋去到邊度都係可以發光發亮，用我哋係物超所值。」
陳貝兒之後多謝無綫多位高層愛錫：「我好多謝曾生（曾志偉），咁錫我、咁了解我、咁撐我。」之後繼續多謝袁志偉、樂易玲等無綫高層，以及其他台前幕後工作人員。
王灝兒奪最受歡迎電視歌曲
王灝兒（JW）今晚以低胸紅裙現身《萬千星輝頒獎禮,更憑《白色強人2》插曲《Wish》入圍「最受歡迎電視歌曲」順利突圍。JW表演得獎歌曲時，陳瀅亦在台邊拍片支持好姊妹。JW得獎感言表示自己是認真做歌手，同時亦想認真做一位演員。
（點新聞特約記者陳惠芳報道）
更多報道：
