移加港人勸退文「移民做水電 諗都唔好諗」

不少黃絲道聽塗說咁學人移民，完全忽視自己嘅本事同資格，結果當然係搞到一鑊泡啦！近日有移民加拿大嘅港人發勸退文，講述自己成為「水電工」的艱若經歷，奉勸大家「移民做水電，諗都唔好諗」！

移加嘅YouTuber「裝備L」拍片分享自身經歷，他早年根據加拿大前年推出嘅開放簽證計劃（OWP-Open Wrok Permit）移民，但如果諗住到埗考到電牌即可直接開工嘅話，笑言「少年你太年輕了」，實情係難關重重。

他指出，在加拿大考電牌分為2大方法，第一個方法適合沒有經驗嘅人士，他們需參加師徒制，以電工為例需要4年的師徒制，而電牌和水牌是完全分開，因此，要取得「水電雙修」最起碼要8年時間。第二個方法適合有工作經驗嘅人，他們可以不用四年師徒計劃，直接參與當地嘅考試（Inter-Provincial Exam-IP試）。不過「並唔係咁簡單嘅」，以佢喺香港有電工A牌為例，還需要證明有9,600小時相關工作經驗，包括提供公司、僱主資料、工作紀錄等，再由加拿大當局打長途電話去審核，確保工作經驗達標。

然而，IP試才是惡夢的開始。片主指IP考試須在4小時內回答100題多項選擇題，範圍涵蓋電的基本知識、電路圖、摩打運作原理、加拿大電力規例等，佢話當時溫習了兩個星期應試，發現題目很深，並不簡單，考完只得51分，同合格70分仲有距離。而最可怕嘅係只有一次補考機會，若第2次也低於60分，整個申請會被取消。換句話，想重新申請的話就要付$150加元，並要再重新複核9,600小時嘅工作紀錄。