張敬軒騷後聲沙確診 餘下5場個唱延期
張敬軒（軒仔）一連11場的跨年《Revisit演唱會》目前在會展開鑼，不過主辦單位今日（27日）宣布，軒仔在第6場演唱會之後，初步確診新型冠狀病毒感染，按相關防疫規定要馬上接受隔離，所以2022年12月27日、12月30日、12月31日、2023年1月1日及1月2日共5場演唱會將延期舉辦。
英皇娛樂公告指，今晚起已購票觀眾請保留相關場次門票﹙必須連同票根﹚，密切留意英皇娛樂官方網站、Facebook及Instagram平台，相關的後續延期及退款安排將盡快於兩星期內公布。主辦方英皇娛樂集團及張敬軒對是次突發事件為已購票觀眾帶來的不便深感抱歉，希望張敬軒能盡快康復並能與各位樂迷及觀眾見面。
張敬軒亦親自發文致歉：「對於餘下五場嘅各位已經購票的嘅觀眾我覺得萬分抱歉，好多謝大家的嘅支持。知道這呢次有好多朋友遠道而來，或者特登撲飛，辜負咗大家一番心意真係好對唔住。我會盡快養好身體，另擇日子再續呢一次嘅奇妙旅程。亦都要向所有受影響嘅台前幕後各個單位同各界朋友致歉，多謝大家嘅包容與體諒！最後，要再一次多謝過去六場前嚟支持嘅朋友！大家喺疫情之中都要身體健康，平平安安！」他又笑指：「避咗三年卒之都係中咗」。
昨晚軒仔依然落力於舞台上演出，因為觀眾的熱情而三度安歌，唱《無能為力》後，歌迷繼續叫安歌，又想送禮物，不過軒仔已不似之前一樣行近歌迷收禮，只遠遠說：「多謝每一位朋友，我好開心呀今晚！我啱啱先知原來今日係公眾假期補假呀？但係會展班同事都要休息啦，我都聲沙啦。」觀眾叫他清唱，他再笑道：「不如出年又開啦……我有做快測，仲係一條線，但係今晚去到下半場，我一路飆冷汗，你哋集合力量幫我，叫張敬軒唔好病好唔好呀？」
沒料到軒仔一語成籤，最終無奈暫停今次演出。演唱會總監馮貽柏表示，大會將盡力協調一切，以軒仔健康為先，同步協調場地日期之後，會盡快通知歌迷補場安排。
軒仔的演唱會可謂「波折重重」，在今年年初第五波疫情爆發時，他的原定8場紅館演唱會押後。
（點新聞特約記者陳惠芳報道）
相關報道：
