（有片）張敬軒平安夜安歌到凌晨 鐵粉搞怪送「軒弓」
張敬軒昨晚（24日）於「REVISIT演唱會」跟歌迷共度平安夜，並送大禮，不僅由晚9時半開場唱到凌晨踏入聖誕，跟大家一起倒數齊呼「Merry Christmas」，更連環安歌三次至凌晨0時50分才散場，令歌迷滿載而歸。
軒公一開場已經向歌迷派禮物，他說：「一定會令大家可以度過一個好愉快嘅2022年平安夜，叫大家放心交俾我！會展話唔收加時費！」軒公還向歌迷派禮物。他平日收歌迷禮物收個不停，經常於他演唱會中出現的一位搞鬼死忠男歌迷昨晚又再出現，今次更做了一把膠雞加上雞毛掃的弓，自稱這禮物名叫「軒弓」，弓上寫「軒弓一發射全心」，笑爆全場。
軒仔笑問他：「又係你呀，陳生？你係咪喺TVB做道具出身？人哋一箭雙雕，你一箭一雕，你個隻雞……仲冇晒毛。」他又說：「你已經變成我每次演唱會嘅一幀風景啦，每次都有唔同大禮。我好想自己係觀音菩薩，有個葫蘆可以收咗你。」妙語連珠笑爆觀眾。
唱完《傾慕》這首歌時，軒仔忽然說：「我爆咗件衫，唔知係咪今日食多咗兩嚿雞脾原因，爆係『加拿大』嗰個位。」工作人員馬上衝上去為他解決問題。觀眾此時就大叫他「除衫」！軒公笑道：「除衫呀？呢件衫真係要講吓，除咗唔係睇上身，係要睇下身，因為條褲係see through……」然後他拉開外衣，讓大家清楚見到他的see through褲內，藏着若隱若現美腿，引得歌迷興奮依嘩鬼叫。
軒公這晚一共encore三次，最後軒仔更開心預告，定下2023年3月將會飛去倫敦Royal Albert Hall舉行演唱會。
（點新聞特約記者陳惠芳報道）
相關報道：
