（有片）破例兩度安歌　Eason平安夜賀紅館開騷一百場

陳奕迅紅館演唱會在昨晚（24日）平安夜來到第十二場，更是他在紅館第一百場演唱會，別具意義，觀眾也分外High爆。於安歌時Eason清唱德文版聖誕歌及瑪利奧派對後，觀眾仍狂叫安歌十五分鐘，終於把Eason打動，得到他再升台送多一首《明年今日》給大家歡度聖誕。

昨晚來到Talk位，Eason笑稱開騷前聽人講，今晚是自己第100場紅館演唱會， 觀眾即瘋狂歡呼，叫聲震烈紅館。Eason說: 「其實我冇理，既然第100場，我哋一齊慶祝喇！俾啲掌聲你哋自己！好似網球員咁，第一百場咁……結果輸左咁點？哈哈哈……都係照慶祝囉，冇咩所謂，音樂係冇輸贏，有時係啲人搞drama……話下邊個好啲、邊個差啲、佢音長啲、佢又短啲，其實音樂係講feeling……唔係咩？哈哈。」觀眾即報以無盡掌聲認同。

Eason繼續說:「好似我啱啱開場忍唔到笑，有個音都唱錯左，唏！過左就過左！What is past is past！呢個騷就係講緊Now先係最緊要！冇咩講喇，成個故仔係歌入面講晒，希望你哋會有一個好溫暖開心聖誕節！好多謝你哋咁踴躍入來陪我過今晚，第100場演唱會，係咪100都唔緊要，你哋係到已經係最緊要嘅嘢！就係咁簡單。希望大家有不如意，有害怕，今晚有一些好的能量，你地可以吸到返去。Merry Christmas！我會繼續做好本份唱好歌。 」

每晚觀眾都明知安歌過後，Eason便不會再出來，但昨晚可能是平安夜，大家都不捨離場，九成觀眾仍於座位中狂叫安歌近十五分鐘，最後Eason被觀眾熱情打動，再次升台。他笑說，「你哋好賴皮，我衫都換晒，你哋想點呀？你哋聽日唔洗開工呀大佬，我要番工……我要番嚟呢度，我仲有幾場，我仲有一半呀！你哋傳左出去就真係大件事！我想話你聽，係今晚係例外，我聽日衫都唔換，截架的士即走！乜都聽唔到！哈哈哈……你地真係好嘢呀你！竟然九成人係到！」

（點新聞特約記者陳惠芳報道）