英國茶記「貴到飛起」　網民揶揄劏水魚

移民英國，難免惦掛香港的美食！最近有移英港人在網上分享一間位於蘇格蘭的港式茶餐廳收費，一份西多要9.99鎊 、一碟牛腩飯要18.88鎊，真係貴到不行！不少網友都揶揄劏水魚，「10鎊件西多………兩片面包+花生醬同蛋，件西多識噴水㗎？」、「冇生意咪set高啲價， 一定有水魚同遊客，拉上補下。實行一係唔發市，發市當三年」。

該網民在移英港人交流區貼出該港式茶餐廳的餐牌，「又話蘇格蘭啲嘢好平嘅？」，直指「呢間嘢啲價錢會唔會過分咗，5.99奶油多?18.88牛腩飯?」，而餐牌的食物名亦令人「好老尷」喎，其中牛腩飯叫「快啲腩實我」、黑椒雞扒飯叫「憎鬼死你」等，所以話只要你唔尷尬，尷尬嘅就係人哋。