ERROR尾場MIRROR撐場　古巨基神秘登場全場勁high

ERROR一連四場《明星生活 ERROR LIVE SHOW 2022》昨晚（19日）在九展舉行尾場，古巨基更以神秘嘉賓出現，全場勁high。

當ERROR唱出《勁歌金曲》時，全場歌迷隨即起立揮動螢光棒及合唱，基仔即笑說：「好high，估唔到一首慢歌都企起身。」而ERROR則笑指現場似K房。之後ERROR問基仔為何會應承做嘉賓？基仔說：「為嘟姐(鄭裕玲)、子華(黃子華)、張家輝同老婆，因為我老婆有個平台，肥仔當時成日去幫手，但我自己本人係為咗我自己來做ERROR嘉賓，因為ERROR為我哋帶嚟好多歡樂。」基仔表示，在後台時突然想到《勁歌金曲》是上一代歷史，更反問ERROR是否有興趣為這一代金曲做總結？但保錡指他們還未到這個級數，基仔除鼓勵ERROR做歌外，更口頭答應和ERROR合作一個計劃，他們開心又搞笑說：「諗住搲撈，點知派撈。」

當晚有《毒舌大狀》團隊包括王丹妮、栢天男前來捧保錡場。保錡更唱出該片主題曲。而MIRROR其中六子亦有到來撐場。不過當ERROR在台上大叫MIRROR成員「收皮」時，台下的MIRROR成員則送上心心回應。而肥仔唱《Am I crazy》時表示歌詞很感觸，之後他更一度感觸落涙。

193在台上講感受時，突然有fans衝向台前送花，而193見狀即上前收花，不過他看到原來是銀紙花後，即說：「出嚟攞返，銀紙唔要。」之後193拿出fans為他製造的第一張手幅「接近完美193」後開始哽咽，他說：「記得初出道，你哋每次大叫193，我唔覺係笑話，係童話。」講完後，193亦忍不住落淚。

（點新聞特約記者陳惠芳報道）