吴偉豪父出戰《中年好聲音》　肥媽讚震音夠feel

無綫推出的歌唱真人騷《中年好聲音》將於周日（11日）晚播出一集，打頭陣的是100強參賽者中年紀最大的吳大強。70歲的他是一位退休人士，同時亦是《愛·回家之開心速遞》飾演「朱凌凌」的吳偉豪爸爸。

比賽當天，吳偉豪亦有現身為爸爸打氣。吳大強獻唱英文歌《Unchained Melody》，中氣十足的他大晒震音和高音，肥媽大讚：「好多人可能話佢好多震音，但唔震音點唱呢支歌啫，佢用舊嘅Way唱番舊嘅歌，Feel到佢嘅Passion。」周國豐則指感受到吳大強心中有團「17歲的火」，更令他憶起亡父：「我爸爸喺我好細個就已經離開咗，好多謝你頭先嘅2分幾鐘，令我有番同爸爸嘅回憶。」

另在《愛·回家之開心速遞》飾演「賈名媛」的35歲邱芷微（Chelffy），今次參賽是希望可重燃追夢的火。患有類風濕關節炎的Chelffy，除了要承受隨時有機會全身郁不到的擔憂外，更不幸的是同時還要承受男友患癌打擊，她受訪坦言得悉噩耗時晴天霹靂：「嗰時仲係傾到去結婚，點知大家都一齊有病，感覺係點解係我同佢發生啲咁嘅事，好戲劇性又好真實嘅感覺。」肥媽聞言即鼓勵她說：「計劃總係趕不上變化，其實當你想做某啲事、又唔會傷害到人嘅話，就應該活在當下去做，所以《中年好聲音》應該要做多幾屆！」

（點新聞特約記者陳惠芳報道）