施明開腦入ICU李泳豪遭網友狂插　傳家庭決裂仍未破冰

藝人李泳豪的母親施明日前在家跌倒頭部重創，需緊急接受開腦手術保命，目前正在深切治療部昏迷留院，情況危殆。李泳豪前日（4日）帶同太太出席踢拳總會就職典禮笑容滿面，被網友狂插，指他與母親關係仍未破冰。

李泳豪出面解釋說：「我係唔會將家事周圍講嘅人，再者媽媽情況穩定，我應承出席活動也要遵守承諾。」泳豪又暗示知道誰是爆料，令他好嬲：「由始至終我不嬲都唔會高調講家事，冇人想畀人知道屋企人做手術，家人亦有共識唔會講出去。其實媽媽因咩事入院係佢嘅私隱，等佢好番佢自己想講就講，我同爸爸李家鼎都係唔會將家事四處張揚嘅人。」

對此哥哥李泳漢受訪時就表示：「啲人鍾意點講我唔評論，現階段最緊要媽媽冇事！（對於弟弟在媽媽出事後仍有出席活動）我忙於為媽媽處理緊官司事，唔知亦冇睇，唔理得人咁多。」至於施明前夫李家鼎受訪時就不願多談，透露施明早兩日入院做手術，已過危險期，希望前妻大步檻過。

其實李泳豪早前結婚，母親施明及孖生兄長李泳漢未有出席，因而傳出家庭決裂。雖然早前李泳豪夫婦現身活動時否認，更主動表示與母感情不變。但據知李泳豪結婚至今個多月，與家人從沒見面。

（點新聞特約記者陳惠芳報道）